Ours is an undisciplined age. The old disciplines are breaking down… Above all, the discipline of divine grace is derided as legalism or is entirely unknown to a generation that is largely illiterate in the Scriptures. We need the rugged strength of Christian character that can come only from discipline (Victor Edman).
Other Authors

Bible – Afrikaans – Amos Chapter 1:1-15.

Index: Afrikaans

 

Amos 1

[1]
[2]
[3]
[4]
[5]
[6]
[7]
[8]
[9]

1:1 Die woorde van Amos, een van die skaapboere uit Tekóa, wat hy gesien het aangaande Israel in die dae van Ussía, koning van Juda, en in die dae van Jeróbeam, die seun van Joas, koning van Israel, twee jaar voor die aardbewing.

1:2 En hy het gesê: Die HERE brul uit Sion en verhef sy stem uit Jerusalem, sodat die weivelde van die herders treur en die top van Karmel verdor.

1:3 So sê die HERE: Oor drie oortredinge van Damaskus, ja, oor vier, sal Ek dit nie afwend nie; omdat hulle Gílead met ysterdorssleë gedors het.

1:4 Daarom sal Ek ‘n vuur slinger in die huis van Hásael, en dit sal die paleise van Bénhadad verteer.

1:5 En Ek sal die grendel van Damaskus verbreek en die inwoners uit die laagte van Awen uitroei en die wat die septer dra, uit Bet-Eden, en die volk van Aram sal in ballingskap gaan na Kir, sê die HERE.

1:6 So sê die HERE: Oor drie oortredinge van Gasa, ja, oor vier, sal Ek dit nie afwend nie; omdat hulle ‘n ganse bevolking in ballingskap weggevoer het om dit aan Edom uit te lewer.

1:7 Daarom sal Ek ‘n vuur slinger in die muur van Gasa, en dit sal sy paleise verteer.

1:8 En Ek sal die inwoners uit Asdod uitroei en die wat die septer dra, uit Askelon; en Ek sal my hand teen Ekron uitstrek, en die oorblyfsel van die Filistyne sal omkom, sê die Here HERE.

1:9 So sê die HERE: Oor drie oortredinge van Tirus, ja, oor vier, sal Ek dit nie afwend nie; omdat hulle ‘n ganse bevolking as ballinge aan Edom uitgelewer het en nie gedink het aan die broederverbond nie.

1:10 Daarom sal Ek ‘n vuur slinger in die muur van Tirus, en dit sal sy paleise verteer.

1:11 So sê die HERE: Oor drie oortredinge van Edom, ja, oor vier, sal Ek dit nie afwend nie; omdat hy sy broer met die swaard agtervolg het en sy jammergevoel verstik het, sodat sy toorn altyd verskeur en hy gedurigdeur sy grimmigheid behou.

1:12 Daarom sal Ek ‘n vuur slinger in Teman, en dit sal die paleise van Bosra verteer.

1:13 So sê die HERE: Oor drie oortredinge van die kinders van Ammon, ja, oor vier, sal Ek dit nie afwend nie; omdat hulle die swanger vroue van Gílead oopgesny het om hulle grondgebied uit te brei.

1:14 Daarom sal Ek ‘n vuur aansteek in die muur van Rabba, en dit sal sy paleise verteer, met krygsgeskreeu op die dag van stryd, in ‘n storm op die dag van die orkaan.

1:15 En hulle koning sal in ballingskap gaan, hy en sy vorste tesame, sê die HERE.