The “size” of a sin is not ultimately determined by the sin itself, but by the one who was sinned against. Sin is infinitely wicked because it rejects the one who is infinitely holy and good. The more we recognized the perfection of God's holiness, the more obvious this truth becomes.
Dave Harvey

Latin Vulgate Jonah Chapter 3:1-10.

Index: Latin Vulgate

 

Jonah 3

[1]
[2]
[3]
[4]

3:1 et factum est verbum Domini ad Ionam secundo dicens

3:2 surge vade ad Nineven civitatem magnam et praedica in ea praedicationem quam ego loquor ad te

3:3 et surrexit Iona et abiit in Nineven iuxta verbum Domini et Nineve erat civitas magna Dei itinere dierum trium

3:4 et coepit Iona introire in civitatem itinere diei unius et clamavit et dixit adhuc quadraginta dies et Nineve subvertetur

3:5 et crediderunt viri ninevitae in Deo et praedicaverunt ieiunium et vestiti sunt saccis a maiore usque ad minorem

3:6 et pervenit verbum ad regem Nineve et surrexit de solio suo et abiecit vestimentum suum a se et indutus est sacco et sedit in cinere

3:7 et clamavit et dixit in Nineve ex ore regis et principum eius dicens homines et iumenta et boves et pecora non gustent quicquam nec pascantur et aquam non bibant

3:8 et operiantur saccis homines et iumenta et clament ad Dominum in fortitudine et convertatur vir a via sua mala et ab iniquitate quae est in manibus eorum

3:9 quis scit si convertatur et ignoscat Deus et revertatur a furore irae suae et non peribimus

3:10 et vidit Deus opera eorum quia conversi sunt a via sua mala et misertus est Deus super malitiam quam locutus fuerat ut faceret eis et non fecit