Today, the pressure to fill auditoriums and services has driven many pastors to place the felt needs, or tastes, of the people above their duty to Christ. On every hand we hear of the Gospel being molded into a non-confrontative message intended to meet felt needs and impress the sinful heart. And, by most standards, this new philosophy of church life is working, as more and more auditoriums are filled with people hungry for a message that will affirm that they are actually on fairly good terms with the Almighty. But the biblical message is the message of the cross. It cuts right across the grain of the modern age's preoccupation with pride, tearing down the façade and exposing the wretchedness of the human heart… Unfortunately, while the modern “un-gospel” may fill seats, it is the true gospel of sin and grace that is “the power of God unto salvation” (Rom. 1:16).
David Hegg

Latin Vulgate Micah Chapter 6:1-16.

Index: Latin Vulgate

 

Micah 6

[1]
[2]
[3]
[4]
[5]
[6]
[7]

6:1 audite quae Dominus loquitur surge contende iudicio adversum montes et audiant colles vocem tuam

6:2 audiant montes iudicium Domini et fortia fundamenta terrae quia iudicium Domini cum populo suo et cum Israhel diiudicabitur

6:3 populus meus quid feci tibi et quid molestus fui tibi responde mihi

6:4 quia eduxi te de terra Aegypti et de domo servientium liberavi te et misi ante faciem tuam Mosen et Aaron et Mariam

6:5 populus meus memento quaeso quid cogitaverit Balac rex Moab et quid responderit ei Balaam filius Beor de Setthim usque ad Galgalam ut cognosceret iustitias Domini

6:6 quid dignum offeram Domino curvem genu Deo excelso numquid offeram ei holocaustomata et vitulos anniculos

6:7 numquid placari potest Dominus in milibus arietum aut in multis milibus hircorum pinguium numquid dabo primogenitum meum pro scelere meo fructum ventris mei pro peccato animae meae

6:8 indicabo tibi o homo quid sit bonum et quid Dominus quaerat a te utique facere iudicium et diligere misericordiam et sollicitum ambulare cum Deo tuo

6:9 vox Domini ad civitatem clamat et salus erit timentibus nomen tuum audite tribus et quis adprobabit illud

6:10 adhuc ignis in domo impii thesauri iniquitatis et mensura minor irae plena

6:11 numquid iustificabo stateram impiam et saccelli pondera dolosa

6:12 in quibus divites eius repleti sunt iniquitate et habitantes in ea loquebantur mendacium et lingua eorum fraudulenta in ore eorum

6:13 et ego ergo coepi percutere te perditione super peccatis tuis

6:14 tu comedes et non saturaberis et humiliatio tua in medio tui et adprehendes et non salvabis et quos salvaveris in gladium dabo

6:15 tu seminabis et non metes tu calcabis olivam et non ungueris oleo et mustum et non bibes vinum

6:16 et custodisti praecepta Omri et omne opus domus Achab et ambulasti in voluntatibus eorum ut darem te in perditionem et habitantes in ea in sibilum et obprobrium populi mei portabitis