Because the Father, the Son, and the Spirit are perfectly united in their essence, the three persons of the Trinity must be perfectly united both (a) in their saving intentions and (b) their saving acts. What the Father wills must be what the Son wills, and what the Son wills must be what the Spirit wills. Those whom the Father intends to save must be the same exact number as those whom the Son intends to save, and those whom the Son intends to save must be the same exact number as those whom the Spirit intends to save. And since Scripture teaches (a) that the Father has chosen to save a particular people and not all without exception, and since it teaches (b) that the Spirit will regenerate that same particular people and not all without exception, it also teaches (c) that the Son has atoned for that same particular people and not all without exception. To say otherwise is to strike at the heart of the unity of the Triune God. It is to undermine the doctrine of the Trinity, the most fundamental doctrine of Christianity. Unity in the Trinity demands a particular redemption.
Mike Riccardi

Bible – FREE Online Maori. 1 Thessalonians Chapter 5:1-28.

Main Index: Maori

 

1 Thessalonians 5

[1]
[2]
[3]
[4]
[5]

5:1 ¶ Ko nga wa ia me nga taima, e oku teina, kahore he take e tuhituhi atu ai ahau ki a koutou.

5:2 E matau pu ana hoki koutou, tera e haere mai te ra o te Ariki, ano he tahae i te po.

5:3 I a ratou hoki e ki ana, he rangimarie, he ora; ko reira te mate huaki tata ai ki a ratou, ka pera me te mamae ki te wahine hapu, e kore hoki ratou e mawhiti.

5:4 Ko koutou ia, e oku teina, kahore i roto i te pouri, e rite ai ki ta te tahae te hopu a taua ra i a koutou.

5:5 He tama koutou katoa no te marama, he tama no te ra: ehara tatou i te po, ehara i te pouri.

5:6 ¶ Heoi aua tatou e moe, kei pera me era atu; engari kia mataara tatou, kia whai whakaaro.

5:7 Ko te hunga hoki e moe ana, e moe ana i te po; ko te hunga e haurangi ana, e haurangi ana i te po.

5:8 Kia whai whakaaro tatou, ko tatou nei te hunga o te ra, kia kakahuria iho te whakapono me te aroha hei pukupuku; hei potae hoki, ko te tumanako atu ki te ora.

5:9 Kihai hoki tatou i meinga e te Atua mo te riri, engari kia whiwhi ai ki te ora ma roto i to tatou Ariki, i a Ihu Karaiti;

5:10 I mate nei mo tatou, ahakoa tatou mataara, moe ranei, kia ora tahi ai me ia.

5:11 ¶ Na, whakamarie koutou tetahi i tetahi, hanga hoki te pai o tetahi e tetahi, peratia me ta koutou e mea mai na.

5:12 He mea ia tenei na matou ki a koutou, e oku teina, kia matau ki te hunga e mahi ana i roto i a koutou, e tohutohu ana i a koutou i roto i te Ariki, e whakatupato ana i a koutou;

5:13 Kia nui whakaharahara ano o koutou whakaaro ki a ratou i runga i te aroha, me whakaaro ki ta ratou mahi. Kia mau ta koutou rongo ki a koutou ano.

5:14 Na ko ta matou whakahau tenei ki a koutou, e oku teina, whakatupatoria te hunga whakakeke, whakamarietia te hunga ngakau rahirahi, tautokona ake te hunga ngoikore, kia manawanui ki nga tangata katoa.

5:15 Kia tupato kei hoatu he kino mo te kino e tetahi ki tetahi; engari i nga wa katoa whaia he pai mo tetahi, mo tetahi, mo nga tangata katoa ano hoki.

5:16 ¶ Kia hari i nga wa katoa.

5:17 Kei whakamutua te inoi.

5:18 I nga mea katoa me whakawhetai atu; ko ta te Atua hoki tenei i pai ai i roto i a Karaiti Ihu hei mahi ma koutou,

5:19 Kei tineia te Wairua.

5:20 Kaua e whakahawea atu ki nga poropititanga.

5:21 Whakamatautauria nga mea katoa; kia u ki te pai;

5:22 Mawehe atu i nga ahua katoa o te kino.

5:23 ¶ A ma te Atua pu ano o te rangimarie e tino whakatapu rawa koutou: kia tiakina hoki o koutou wairua, o koutou ngakau, o koutou tinana, kia toitu, kia hekore, i te taenga mai o to tatou Ariki, o Ihu karaiti.

5:24 He pono te kaikaranga i a koutou, mana ano hoki e whakaoti.

5:25 E oku teina, inoi mo matou.

5:26 Oha atu ki nga teina katoa, hei te kihi tapu.

5:27 He tohe atu tenei naku ki a koutou i runga i te Ariki, kia korerotia tenei pukapuka ki nga teina tapu katoa.

5:28 Kia tau ki a koutou te aroha noa o to tatou Ariki, o Ihu Karaiti. Amine.