[Discernment is] a mental sense of smell that helps you notice when “something smells fishy”…How can you sharpen this mental sense of smell? How can you develop discernment? First, you need to have a spirit of obedience to Jesus Christ. If your spirit is in rebellion, your nose will be in rebellion too. Second, you need to study the Word of God and other Christian literature. We’re talking about a mental, not physical, sense of smell. In order to develop it you have to use your mind. Third, you need to practice smelling. Smell everything. Your power of discernment is like a muscle. Use it or lose it. Fourth, you need to be accountable to other believers in a healthy Christian fellowship. If you try to learn to smell by yourself, your mental sense of smell will be eccentric. You’ll be like someone who takes a deep whiff of dung and says, “Ah, roses!”
J. Budziszewski

Latin Vulgate 1 John Chapter 4:1-21.

Index: Latin Vulgate

 

1 John 4

[1]
[2]
[3]
[4]
[5]

4:1 carissimi nolite omni spiritui credere sed probate spiritus si ex Deo sint quoniam multi pseudoprophetae exierunt in mundum

4:2 in hoc cognoscitur Spiritus Dei omnis spiritus qui confitetur Iesum Christum in carne venisse ex Deo est

4:3 et omnis spiritus qui solvit Iesum ex Deo non est et hoc est antichristi quod audistis quoniam venit et nunc iam in mundo est

4:4 vos ex Deo estis filioli et vicistis eos quoniam maior est qui in vobis est quam qui in mundo

4:5 ipsi de mundo sunt ideo de mundo loquuntur et mundus eos audit

4:6 nos ex Deo sumus qui novit Deum audit nos qui non est ex Deo non audit nos in hoc cognoscimus Spiritum veritatis et spiritum erroris

4:7 carissimi diligamus invicem quoniam caritas ex Deo est et omnis qui diligit ex Deo natus est et cognoscit Deum

4:8 qui non diligit non novit Deum quoniam Deus caritas est

4:9 in hoc apparuit caritas Dei in nobis quoniam Filium suum unigenitum misit Deus in mundum ut vivamus per eum

4:10 in hoc est caritas non quasi nos dilexerimus Deum sed quoniam ipse dilexit nos et misit Filium suum propitiationem pro peccatis nostris

4:11 carissimi si sic Deus dilexit nos et nos debemus alterutrum diligere

4:12 Deum nemo vidit umquam si diligamus invicem Deus in nobis manet et caritas eius in nobis perfecta est

4:13 in hoc intellegimus quoniam in eo manemus et ipse in nobis quoniam de Spiritu suo dedit nobis

4:14 et nos vidimus et testificamur quoniam Pater misit Filium salvatorem mundi

4:15 quisque confessus fuerit quoniam Iesus est Filius Dei Deus in eo manet et ipse in Deo

4:16 et nos cognovimus et credidimus caritati quam habet Deus in nobis Deus caritas est et qui manet in caritate in Deo manet et Deus in eo

4:17 in hoc perfecta est caritas nobiscum ut fiduciam habeamus in die iudicii quia sicut ille est et nos sumus in hoc mundo

4:18 timor non est in caritate sed perfecta caritas foras mittit timorem quoniam timor poenam habet qui autem timet non est perfectus in caritate

4:19 nos ergo diligamus quoniam Deus prior dilexit nos

4:20 si quis dixerit quoniam diligo Deum et fratrem suum oderit mendax est qui enim non diligit fratrem suum quem vidit Deum quem non vidit quomodo potest diligere

4:21 et hoc mandatum habemus ab eo ut qui diligit Deum diligat et fratrem suum