We are all starved for the glory of God, not self. No one goes to the Grand Canyon to increase self-esteem. Why do we go? Because there is greater healing for the soul in beholding splendor than there is in beholding self. Indeed, what could be more ludicrous in a vast and glorious universe like this than a human being, on the speck called earth, standing in front of a mirror trying to find significance in his own self-image? It is a great sadness that this is the gospel of the modern world. The Christian Gospel is about 'the glory of Christ,' not about me. And when it is—in some measure—about me, it is not about my being made much of by God, but about God mercifully enabling me to enjoy making much of Him forever.
John Piper

FREE Online Haitian Creole. Egzòd Chapter 23:1-33.

Main Index: Haitian Creole

 

Egzòd 23

[1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]
[17]
[18]
[19]
[20]
[21]
[22]
[23]
[24]
[25]
[26]
[27]
[28]
[29]
[30]
[31]
[32]
[33]
[34]
[35]
[36]
[37]
[38]
[39]
[40]

23:1 ¶ Piga nou fè manti sou frè parèy nou. Lè n’ap sèvi temwen, piga nou bay manti pou ede yon mechan.

23:2 Pa konprann pou nou fè sa ki mal paske nou wè se sa tout moun ap fè. Lè n’ap sèvi temwen nan yon pwose, piga nou pran pati pou bò ki gen plis moun lan lè nou konnen se yo ki antò.

23:3 Konsa tou, lè gen pwose, se pa paske yon moun pòv pou nou pran pati pou li.

23:4 Si nou pa byen ak yon moun, epi nou jwenn bèf li osinon bourik li ki kase kòd, se pou nou mennen l’ ba li.

23:5 Si nou pa byen ak yon moun, epi nou wè bourik li kouche anba yon chay, pa vire do nou kite l’ pou kont li. Se pou nou ede l’ fè bourik la kanpe.

23:6 Lè yon malere nan pwose, pa anpeche yo fè l’ jistis.

23:7 Evite fè manti sou moun pou akize yo. Moun inonsan ak moun ki nan dwa yo, piga nou fè touye yo, paske mwen p’ap padonnen moun ki fè bagay konsa.

23:8 Lè n’ap sèvi temwen nan yon kòz, pa pran lajan anba nan men moun, paske lajan konsa bouche je nou, li fè nou pa wè kote jistis la ye. Li fè moun ki pa antò a pèdi kòz li.

23:9 Piga nou aji mal ak moun lòt nasyon k’ap viv nan peyi a. Paske, nou menm tou, yon lè, nou te etranje nan peyi Lejip, kifè nou konnen sa ki rele viv nan lòt peyi.

23:10 ¶ Pandan sizan n’a travay tè a, epi n’a ranmase sa li bay.

23:11 Men, sou setyèm lanne a, n’a kite tè a poze. Menm si li bay kichòy, nou p’ap ranmase anyen sou li. N’a kite rekòt la pou pòv malere yo. Rès la va rete pou bèt nan bwa manje. N’a fè menm bagay la tou pou jaden rezen ak jaden oliv nou yo.

23:12 N’a travay sis jou. Men setyèm jou a, n’a sispann travay, n’a pran repo. Konsa, bèf nou yo ak bourik nou yo, moun k’ap sèvi avèk nou yo ansanm ak etranje ki lakay nou yo va ka pran repo tou.

23:13 Se pou nou swiv tou sa mwen sot di nou la a. Pa lapriyè lòt bondye, piga mwen tande non yo soti nan bouch nou.

23:14 Twa fwa chak lanne, n’a fè fèt pou mwen.

23:15 N’a fè fèt Pen san ledven yo. Jan mwen te ban nou lòd la, n’a manje pen san ledven pandan sèt jou nan epòk yo fikse nan mwa Abib la. Paske se nan mwa sa a nou te soti kite peyi Lejip. Lè sa a, nou p’ap gen dwa parèt devan m’ de men vid.

23:16 Apre sa, n’a fete fèt Premye Rekòt la lè nou fèk konmanse rekòlte grenn nou simen nan jaden nou yo. N’a fete fèt Dènye Rekòt la menm vè fen lanne a, lè n’ap fin rekòlte tou sa ki nan jaden nou yo.

23:17 Twa fwa chak lanne, tout gason nan pèp la va parèt devan mwen menm Seyè a, Bondye a.

23:18 Lè n’ap touye yon bèt pou mwen, piga nou ofri san an ansanm ak pen ki fèt ak ledven. Piga nou sere grès bèt la tout lannwit jouk denmen maten.

23:19 N’a pran pi bèl fwi nan premye rekòt jaden nou, n’a pote yo bay Seyè a, Bondye nou an, lakay li, Piga ou kwit yon ti kabrit nan lèt manman li.

23:20 ¶ Men m’ap voye yonn nan zanj mwen yo devan nou pou pwoteje nou sou wout la, pou l’ fè nou rive san danje kote mwen pare pou nou an.

23:21 Veye kò nou devan li. Koute sa l’ap di nou. Pa kenbe tèt avè l’. Si nou fè sa, li p’ap padonnen nou sa paske se nan non mwen l’ap fè tou sa l’ap fè a.

23:22 Men, si nou koute sa li di nou, si nou fè tou sa mwen di nou fè, m’ap rayi moun ki rayi nou, mwen p’ap vle wè moun ki pa vle wè nou.

23:23 Zanj mwen an va mache devan nou, l’ap mennen nou nan peyi moun Amori yo, peyi moun Et yo, peyi moun Ferezi yo, peyi moun Kanaran yo, peyi moun Evi yo ak peyi moun Jebis yo. M’ap detwi yo tout.

23:24 Piga nou mete ajenou devan bondye lòt nasyon yo. Piga nou janm sèvi yo. Pa fè menm jan ak moun lòt nasyon yo. Se pou nou detwi bondye yo nèt, se pou nou kraze tout moniman yo fè pou yo.

23:25 Se mwen menm Seyè a, Bondye nou an, pou nou sèvi. M’ap beni nou, m’ap ban nou manje pou n’ manje, dlo pou nou bwè. Mwen p’ap kite maladi tonbe sou nou.

23:26 Nan peyi nou an p’ap gen fanm k’ap fè foskouch, ni fanm ki p’ap ka fè pitit. M’ap kite nou viv jouk nou fin granmoun.

23:27 M’ap fè tout moun pè nou. Kote nou pase, m’ap fè moun pèdi tèt yo. M’ap fè tout lènmi nou yo pran rak devan nou.

23:28 m’a voye gwo gèp devan nou, y’a fè moun Evi yo, moun Kanaran yo ak moun Et yo kouri byen lwen nou.

23:29 Mwen p’ap fè yo ale tout ansanm yon sèl kou, yon sèl lanne, pou peyi a pa tounen savann, pou bèt nan bwa yo pa vin twòp pou nou.

23:30 Men, piti piti m’ap mete yo deyò, jouk n’a gen plis moun pou nou ka pran tout peyi a pou nou.

23:31 M’ap fè fwontyè peyi nou an konmanse depi sou lanmè Wouj la rive jouk sou lanmè Mediterane, depi sou dezè a al bat sou larivyè Lefrat la. M’ap lage tout moun nan peyi a anba men nou, n’ap chase yo met deyò devan nou.

23:32 Piga nou pase ankenn kontra ak moun sa yo, ni ak bondye yo.

23:33 Se pa pou yo rete nan peyi nou an, pou yo pa ankouraje nou fè peche kont mwen. Si nou sèvi bondye moun sa yo, sa ka yon malè pou nou.