Unfortunately, discernment is an area where most Christians stumble. They exhibit little ability to measure the things they are taught against the infallible standard of God's Word, and they unwittingly engage in all kinds of unbiblical decision-making and behavior. In short, they are not armed to take a decidedly biblical stand against the onslaught of unbiblical thinking and attitudes that face them throughout their day.
John MacArthur

FREE Online Haitian Creole. 1Korint Chapter 5:1-13.

Main Index: Haitian Creole

 

1Korint 5

[1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]

5:1 ¶ Toupatou y’ap fè kouri bri jan gen dezòd lachè k’ap fèt nan mitan nou. Dezòd la sitèlman wòd, ata moun lòt nasyon yo pa ta fè bagay konsa. Y’ap mache di gen yonn nan nou k’ap viv ak madanm papa li.

5:2 Apre sa, ki jan nou ka fè gen lògèy ankò? Okontrè, se bagay ki pou ta fè nou kriye anpil. Epi, nonm ki fè bagay sa a, se pou n’ te wete l’ nan mitan nou.

5:3 Mwen menm, mwen pa la avèk nou nan kò m’, men mwen la nan lespri m’. Pou tèt pa m’, nan non Jezikri, Seyè a, mwen deja jije nonm ki fè kalite vye bagay lèd sa a, tankou si m’ te la avèk nou.

5:4 Lè n’a reyini ansanm, m’a la tou avèk nou nan lespri, pa pouvwa Jezikri, Seyè nou an.

5:5 Se pou n’ lage nonm sa a nan men Satan pou kò l’ ka peri. Se konsa lespri l’ ka jwenn delivrans lè jou Seyè a va rive.

5:6 Nanpwen anyen la a pou n’ap fè grandizè! Nou konn pawòl la ki di: Se yon ti kras ledven ki fè tout pa t’ la leve.

5:7 ¶ Wete vye ledven peche sa a pou nou ka tounen yon lòt kalite moun. Lè sa a, n’a tankou yon pa t’ ki fèk bat, san ledven ladan li. Pou di vre, se sa menm nou ye deja. Paske Delivrans nou, se Kris la menm. Yo ofri l’ bay Bondye pou nou deja tankou ti mouton yo konn touye lè fèt la.

5:8 Se pa pou n’ fete fèt la avèk pen ki gen vye ledven an, ledven vis ak mechanste. Men, ann fete l’ avèk pen san ledven an, pen ki bon pou moun k’ap sèvi Bondye ak tout kè yo.

5:9 ¶ Nan lèt mwen te ekri nou an, mwen te mande pou n’ pa mele ak moun k’ap viv nan imoralite.

5:10 Lè sa a, mwen pa t’ gen nan lide mande nou pou n’ separe ak tout moun sou latè k’ap viv nan dezòd lachè, ki gen lanvi plen kè yo, k’ap vòlò osinon k’ap sèvi zidòl. Pou n’ ta egzante tout moun sa yo, se kite pou n’ ta kite tè a nèt.

5:11 Mwen te vle di pou n’ pa mele ak yon nonm ki swadizan frè nou nan Kris la, men k’ap viv nan dezòd, ki gen lanvi plen kè l’, k’ap sèvi zidòl, k’ap pale moun mal, ki tafyatè, osinon ki vòlò. Nou pa dwe menm chita sou menm tab pou n’ manje ak yon nonm konsa.

5:12 Zafè moun deyò pa gade m’, mwen pa gen dwa jije yo. Se Bondye ki va jije yo.

5:13 Men, èske se pa devwa nou pou n’ jije moun ki anndan yo, moun ki ansanm avè n’ yo? Tankou yo di l’ nan Liv la: Wete mechan an nan mitan nou.