How would the great work of sanctification go on in a man if he had no trial? Trouble is often the only fire that will burn away the dross that clings to our hearts. Trouble is the pruning-knife which the great Husbandman employs in order to make us fruitful in good works. The harvest of the Lord’s field is seldom ripened by sunshine only. It must go through its days of wind, and rain, and storm.
J.C. Ryle

Latin Vulgate Romans Chapter 10:1-21.

Index: Latin Vulgate

 

Romans 10

[1]
[2]
[3]
[4]
[5]
[6]
[7]
[8]
[9]
[10]
[11]
[12]
[13]
[14]
[15]
[16]

10:1 fratres voluntas quidem cordis mei et obsecratio ad Deum fit pro illis in salutem

10:2 testimonium enim perhibeo illis quod aemulationem Dei habent sed non secundum scientiam

10:3 ignorantes enim Dei iustitiam et suam quaerentes statuere iustitiae Dei non sunt subiecti

10:4 finis enim legis Christus ad iustitiam omni credenti

10:5 Moses enim scripsit quoniam iustitiam quae ex lege est qui fecerit homo vivet in ea

10:6 quae autem ex fide est iustitia sic dicit ne dixeris in corde tuo quis ascendit in caelum id est Christum deducere

10:7 aut quis descendit in abyssum hoc est Christum ex mortuis revocare

10:8 sed quid dicit prope est verbum in ore tuo et in corde tuo hoc est verbum fidei quod praedicamus

10:9 quia si confitearis in ore tuo Dominum Iesum et in corde tuo credideris quod Deus illum excitavit ex mortuis salvus eris

10:10 corde enim creditur ad iustitiam ore autem confessio fit in salutem

10:11 dicit enim scriptura omnis qui credit in illum non confundetur

10:12 non enim est distinctio Iudaei et Graeci nam idem Dominus omnium dives in omnes qui invocant illum

10:13 omnis enim quicumque invocaverit nomen Domini salvus erit

10:14 quomodo ergo invocabunt in quem non crediderunt aut quomodo credent ei quem non audierunt quomodo autem audient sine praedicante

10:15 quomodo vero praedicabunt nisi mittantur sicut scriptum est quam speciosi pedes evangelizantium pacem evangelizantium bona

10:16 sed non omnes oboedierunt evangelio Esaias enim dicit Domine quis credidit auditui nostro

10:17 ergo fides ex auditu auditus autem per verbum Christi

10:18 sed dico numquid non audierunt et quidem in omnem terram exiit sonus eorum et in fines orbis terrae verba eorum

10:19 sed dico numquid Israhel non cognovit primus Moses dicit ego ad aemulationem vos adducam in non gentem in gentem insipientem in iram vos mittam

10:20 Esaias autem audet et dicit inventus sum non quaerentibus me palam apparui his qui me non interrogabant

10:21 ad Israhel autem dicit tota die expandi manus meas ad populum non credentem et contradicentem